Elezkano II-Mariezkurrena II bikoteak eskuratu du CaixaBank Masterseko lehenengo itzuliko azken puntua

2020-08-09

Biek ala biek irabazi beharreko partida zen Dimakoa, CaixaBank Masterseko lehenengo itzuliari amaiera eman diona. Helburu hori bete nahian aurretik jarri dira Urrutikoetxea eta Irribaria (4-1). Hala ere, Elezkano II-Mariezkurrena II.a ez dira atzean geratu eta zortzi tanto jarraian eginda, aurretik jarri dira markagailuan (4-9).

Hortik aurrera, azkar joan da partida. Lehenengo atsedenaldian 6-12 izan dira aurretik Elezkano II-Mariezkurrena II eta bigarrenean 8-18raino egin dute alde. Azken emoitza 8-22koa izan da. 275 pilotakada izan dira 43 minutu iraun dituen partidan.