DESBERDINTASUNA NAGUSI IZAN ZEN PARTIDU GORENEAN

2019-03-22

Ikusmin handia zegoen baina pilotazaleek ez dute partidu borrokatuta ikusterik izan.
Ttin III.ak eta Pascualek alde batetik eta Olaizola II.ak eta Belokik beste aldetik, indarrak neurtu dituzte Beotibarko kantxan baina orekarik ez da azaldu eta gorriek 22 eta 9 irabazi dute.
Hasieran Belokik ezin izan dio pilotari errioxarrari airea kendu eta honek inongo kupidarik gabe zigortu du Asegarceko aurrelaria, gantxo mordoska lortuz.

Paskualek partidu handi bat jokatu du eta honek areagotu du bi bikoen arteko desberdintasuna.
Olaizola II.ak aurreneko partiduetan baino defentsa ahulagoa erakutsi du eta erasoan aurkariari min egiterako orduan ez du estutzea lortzerik izan.