Dena prest igandeko Buruz Buruko partida bietarako

2020-11-12

Eibarko Astelena pilotalekuak Buruz Buruko Txapelketako hitzordu bikoitza izango du igande honetan. Jaialdia Agirre-Elezkano II.aren arteko partidarekin hasiko da eta ondoren Ezkurdia-Altuna III.ak jokatuko dute.

Lau protagonistek saskiarekin hitzordua izan dute gaur goizean Astelenan.
Elezkano II.ak 105 (1) eta 104,1 (2) gramoko bi pilota aukeratu ditu. Agirrek 104,3 g (3) eta 104,1 g-ko bi (4) hautatu ditu.

Igandeko bigarren norgehiagokarako, Ezkurdiak 104,8 (1) eta 104,9 (2) gramoko bi larru aukeratu ditu. Jokin Altunak, bere aldetik, pisu bereko bi pilota aukeratu ditu: 104,5 g (3) eta 104,5 g (4).