DENA EMANDA

2019-03-22

Titin III.ak eta Pascualek beren laugarren puntua lortu dute gaur Logroñoko Adarraga pilotalekuan Binakako Txapelketako ligari dagozkion partiduan Saralegi eta Apraiz 22-14 irabazi ostean.

Nahiz eta neurketa galdu, Asegarceko bikoteak itxura txukuna eskaini die pilotalekuan bildutako pilotazaleei bi pilotariak bigarren mailako txapelketan jokatzen aritu izatetik lehen mailara jauzi izanaren meritua aintzat hartuz.

Urdinen hasiera kaskarra izan da; opari asko egin dituzte eta horrek ondorio txarra ekarri die azken emaitzari begiratuz gero.
Alexis Apraizen lana nabarmentzekoa izan da. Gernikako atzelariak ederto eman dio pilotari eta sarritan Titin III.ari airea kentzeaz aparte partiduko hainbat unetan Pascual mendean eduki du.
Saralegik ez du nahi beste asmatu eta huts dezente egin ditu. Hala eta guztiz ere 9 tanto gauzatu ditu jokoan.

Titin III.a ondo jokatzen aritu da defentsan zein erasoan, izan ere, errioxarrak 8 tanto eskuratu ditu.
Pascualek ahal duen moduan pairatu du Apraizek emandako zigorra eta aukera izan duenean berak ere jo egin dio pilotari.