COVID-19ren (Koronabirusa) transmisioak edo kutsatzeak sortutako egoeraren bilakaera kontuan hartuta, eta Estatuko osasun- eta kirol-agintari (Osasun Ministerioa eta Kirol Kontseilu Gorena) eta Erkidego desberdinetako Gobernuen jarraibide eta gomendioak jarraituz, EPEL-ek antolatutako ekitaldiak bertan behera geratu direla jakinarazten da.
Une honetan jaialdietan ikusleentzat normaltasun baldintzak eta era berean txapelketako parte hartzaileen arteko berdintasuna bermatu ezin direnez, pilota jaialdien etenaldia da hartu beharreko neurria.
Gure jaialdietan parte hartzen duten pertsona eta talde guztien (ikusle, kirolari, langile eta abar) osasuna zaintzea da helburu nagusia. Sarritan pilota jaialdietara jotzen duten kolektiboetako pertsonak lurralde desberdinetakoak direla, eta kasu batzuetan birus horrek bereziki eragindako eremuetatik etor daitezkeela, izan behar dugu kontutan.
Beharrezko baldintzak betetzen direnean emango zaie jarraipena lehiatzen ari diren edo programatuta dauden txapelketei, betiere, dagokien agintarien gomendio edo aginduak jarraituz. Dagokionean, eta jarduerari berriro ekin aurretik, txapelketa eta jaialdien programazioen informazioa emango da.
Orain jakinarazitako etendura-neurriek ikusleei eragindako kalte eta eragozpenengatik, barkatu. Egungo egoeraren esparruan, ulertu eta onartzen jakitea espero dugu.