CaixaBank Mastersak San Fermin Torneoaren txanda hartuko du

2022-06-28

Uztailaren 15ean hasiko da Balmasedan eta urriaren 2an amaituko da Navarra Arenako finalarekin

Enpresa bakoitzeko sei pilotarik hartuko dute parte, sei bikote misto osatuz

Bost jardunaldiko sailkapen liga, playoffak, finalerdiak eta finala egongo dira

Bilbo, 2022ko ekainaren 28a

Bertan izan dira txapelketan parte hartuko duten sei bikoteak. Enpresa bakoitzeko sei pilotari izango dira, eta bikoteak berriz ere mistoak izango dira, aurreko edizioetan bezala.

LASO – MARTIJA
ALTUNA III – IMAZ
URRUTIKOETXEA – REZUSTA
JAKA – ZABALETA
EZKURDIA – MARIEZKURRENA II
IRRIBARRIA – ALBISU

CaixaBank Mastersaren aurkezpenean parte hartu dute Juan Pedro Badiola CaixaBank-eko Ipar Lurralde Zuzendariak; Unai Iglesias Baiko Pilotako arduradun komertzialak; Inaxio Errandonea Aspe Pelotako arduradun komertzialak eta Borja Oses EPELeko Kontseilari Ahaldunak.

CaixaBank Mastersa uztailaren 15ean hasiko da Balmasedan eta urriaren 2ra arte iraungo du. Pilotariek bost jardunaldiko sailkapen liga jokatuko dute eta lehen postuan sailkatzen den bikoteak zuzenean jokatuko ditu finalerdiak. Bigarren sailkatuek bosgarren sailkatuen aurka jokatuko dute playoffetan, eta hirugarrenek laugarrenen aurka. Seigarren bikotea kanporatuta geratuko da. Iruñeko Navarra Arenan jokatuko da CaixaBank Masterseko finala urriaren 2an.

Jaialdietarako sarrerak entradasfronton webgunean eskuratu ahal izango dira.