CaixaBank Mastersak jarriko dio markoa 2024 uda pilotazaleari

2024-06-18

• San Fermin Torneoak emango dio hasiera udari uztailaren 5ean, eta ondoren CaixaBank Mastersa, Andre Maria Zuria, Aste Nagusia, Donostia Hiria eta San Mateo torneoak jokatuko dira
• CaixaBank Mastersa uztailaren 19an hasiko da eta urriaren 6an amaituko da Nafarroa Arenako finalarekin
• Baikoren eta Asperen zortzina pilotarik hartuko dute parte, zortzi bikote misto osatuz
• Zazpi jardunaldiko sailkapen liga, playoffak, finalerdiak eta finala izango ditu

Bilbo, 2024ko ekainaren 18a

Esku pilota profesionaleko udako egutegia aurkeztu da gaur. CaixaBank Mastersa aurkezteko balio izan duen ekitaldi honetan, lehiaketan parte hartuko duten bikoteak izan dira. Baikoren eta Asperen zortzina pilotarik hartuko dute parte CaixaBank Masterseko edizio berri honetan, eta bikoteak berriz ere mistoak izango dira, aurreko urteetan bezala.

CaixaBank Mastersa jokatuko duten bikoteak:

• ALTUNA III – IZTUETA
• ARTOLA – REZUSTA
• EZKURDIA – ALBISU
• JAKA – MARTIJA
• LASO – TOLOSA
• P.ETXEBERRIA – MARIEZKURRENA II
• PEÑA II – ZABALETA
• ZABALA – IMAZ

CaixaBank Mastersaren aurkezpenean parte hartu dute Juan Pedro Badiola CaixaBank-eko Ipar Lurralde Zuzendariak, Unai Iglesias Baiko Pilotako arduradun komertzialak eta Inaxio Errandonea Aspe Pelotako arduradun komertzialak.

CaixaBank Mastersa uztailaren 19an hasiko da eta urriaren 6ra arte iraungo du. Pilotariek zazpi jardunaldiko sailkapen liga jokatuko dute eta lehenengo bi bikoteak zuzenean sailkatuko dira finalerdietara. Hirugarren sailkatuek seigarrenen aurka jokatuko dute playoffetan, eta laugarrenek bosgarrenen aurka. Sailkapen ligako azken bi bikoteak kanporatuta geratuko dira.

Iruñeko Nafarroa Arenan jokatuko da CaixaBank Masterseko azken fasea urriaren 4a eta 6a artean.

Jaialdietarako sarrerak entradasfronton webgunean eskuratu daitezke.