Buruz Burukoaren finalerdiak erabakita geratu dira

2020-11-15



Elezkano II.ak eta Altuna III.ak Buruz Buruko Txapelketako finalerdietarako txartela lortu dute gaur arratsaldean Eibarko Astelenan.

Zaratamoko aurrelaria Agirreren aurka aritu da jaialdia ireki duen partidan, eta hasiera bikain batekin ia aukerarik gabe utzi du iruñarra. Elezkano II.ak 22-9 irabazi du.


Final-laurdenetako gaurko bigarren kanporaketan Ezkurdiak eta Altuna III.ak partida oso lehiatua eskaini dute. Jokoan egindako hutsek garrantzi handia izan dute norgehiagokaren bilakaeran eta azkenean Altuna III.ak lortu du garaipena (18-22).


Arratsaldeko hirugarren eta azken partidan, Egiguren V.ak Buruz Buruko Promozio txapelketatik kanpo utzi du Urretabizkaia II.a 17-22 irabazita.