Buruz Buruko txapelak jokoan izango dira asteburuan

2020-11-23

Larunbatean Promozioko Buruz Buruko txapelketako finala jokatuko dute Arteaga II.ak eta Elordik.

Lasarte-Oriako aurrelariak Salaberria gainditu zuen ostiraleko finalerdian eta atzo, mallabiarrak Egiguren V.a kanporatu zuen.

Igandean berriz, Lehenengo mailako Buruz Buruko finala jokatuko dute Erik Jakak eta Jokin Altunak. Jakak aise hartu zuen mendean Elezkano II.a larunbatean partida hasiera oso borrokatu baten ostean.

Eta amezketarrak gehixeago sufritu behar izan bazuen ere, finalerako azken txartela eskuratu zuen atzo Eibarren Dario garaitu ondoren.

Promozio mailako larunbateko finala Tolosan jokatuko da 17:35etik aurrera hasiko den pilota jaialdiaren baitan eta igandeko Lehenengo mailako finala Bizkaia Frontoian izango da arratsaldeko 17:00tatik aurrera.