Buruz Buruko EPEL 2021 Txapelketa aurkeztu dute goizean Donostian

• Gaur goizean Buruz Burukoaren edizio berri bat aurkeztu dute Donostiako Kursaalen. Altuna III, Dario, Elezkano II, eta Urrutikoetxea izango dira talde-buruak

• Bederatzigarren urtez jarraian CaixaBank izango da eskupilota txapelketa garrantzitsuenaren babesle nagusia

Txapelketan parte hartuko duten 12 pilotariak han izan dira. Egungo txapelduna, Erik Jaka ez da bertan izan perikarditisa diagnostikatu baitiote egunotan eta atseden hartu beharko du. Bere tokia Arteaga II.ak, Promozio mailako txapeldunak beteko du.

Baiko Pilotak bere koadroko sei pilotari hauek aukeratu ditu txapela lortzeko asmoarekin: Urrutikoetxea, Agirre, Bengoetxea VI, Peña II, Artola eta Arteaga II. Helburu berarekin, ASPE Pelotak Altuna III, Dario, Elezkano II, Ezkurdia, Zabaleta eta Rezusta aurkeztu ditu.

Aurkezpenean egindako zozketak final-zortzirenetako hurrengo kanporaketak utzi ditu: Ezkurdia-Peña II, partida honetako irabazleak Altuna III.aren aurka jokatuko du final laurdenetan; Zabaleta-Arteaga II, garaileak Dario izango du aurkari final-laurdenetan; Bengoetxea VI-Rezusta, hurrengo kanporaketan Elezkano II.a izango du zain; eta Agirre-Artola, final-laurdenetan Urrutikoetxea izango du aurrez aurre.

Finala ekainaren 13an jokatuko da, Bizkaia Frontoian.

Donostiako Kursaalen egindako aurkezpen ekitaldian parte hartu dute Juan Pedro Badiola CaixaBankeko Ipar Eremuko zuzendariak, Borja Oses EPELeko Lehiaketa Epaileak, Unai Iglesias Baiko Pilotako ordezkariak eta Inaxio Errandonea ASPE Pelotako ordezkariak.

Aurreko edizioan gehitutako berrikuntzei eutsi die EPELek:

Sakeak: Pasako marra sei t’erdiko koadroan jarriko da
Botileroak: Parte hartzaileek botileroak izango dituzte
Partida atzerapenak: Finala bakarrik atzeratu ahal izango da

Buruz Buruko EPEL 2021 Txapelketa aurkeztu dute goizean Donostian

2021-05-12

• Gaur goizean Buruz Burukoaren edizio berri bat aurkeztu dute Donostiako Kursaalen. Altuna III, Dario, Elezkano II, eta Urrutikoetxea izango dira talde-buruak

• Bederatzigarren urtez jarraian CaixaBank izango da eskupilota txapelketa garrantzitsuenaren babesle nagusia

Txapelketan parte hartuko duten 12 pilotariak han izan dira. Egungo txapelduna, Erik Jaka ez da bertan izan perikarditisa diagnostikatu baitiote egunotan eta atseden hartu beharko du. Bere tokia Arteaga II.ak, Promozio mailako txapeldunak beteko du.

Baiko Pilotak bere koadroko sei pilotari hauek aukeratu ditu txapela lortzeko asmoarekin: Urrutikoetxea, Agirre, Bengoetxea VI, Peña II, Artola eta Arteaga II. Helburu berarekin, ASPE Pelotak Altuna III, Dario, Elezkano II, Ezkurdia, Zabaleta eta Rezusta aurkeztu ditu.

Aurkezpenean egindako zozketak final-zortzirenetako hurrengo kanporaketak utzi ditu: Ezkurdia-Peña II, partida honetako irabazleak Altuna III.aren aurka jokatuko du final laurdenetan; Zabaleta-Arteaga II, garaileak Dario izango du aurkari final-laurdenetan; Bengoetxea VI-Rezusta, hurrengo kanporaketan Elezkano II.a izango du zain; eta Agirre-Artola, final-laurdenetan Urrutikoetxea izango du aurrez aurre.

Finala ekainaren 13an jokatuko da, Bizkaia Frontoian.

Donostiako Kursaalen egindako aurkezpen ekitaldian parte hartu dute Juan Pedro Badiola CaixaBankeko Ipar Eremuko zuzendariak, Borja Oses EPELeko Lehiaketa Epaileak, Unai Iglesias Baiko Pilotako ordezkariak eta Inaxio Errandonea ASPE Pelotako ordezkariak.

Aurreko edizioan gehitutako berrikuntzei eutsi die EPELek:

Sakeak: Pasako marra sei t’erdiko koadroan jarriko da
Botileroak: Parte hartzaileek botileroak izango dituzte
Partida atzerapenak: Finala bakarrik atzeratu ahal izango da


Azken albisteak

Salaverri II.ak kontratua berritu du Baikorekin

2026-11-20

Salaverri II.ak kontratua berritu du Baikorekin

Baiko Pilota eta Ruben Salaverri akordio batera iritsi dira euren arteko harremana beste urte batez luzatzeko.

Altuna III.ak eskuratu du 4 1/2 Eusko Label 2026 Txapelketako hirugarren postua

2026-11-15

Altuna III.ak eskuratu du 4 1/2 Eusko Label 2026 Txapelketako hirugarren postua

Amezketakoak 22-13 irabazi dio Muruari Arrasaten, eta hirugarren amaitu du txapelketa.

P.Etxeberriak eta Zabalak jokatuko dute 4 1/2 Eusko Label Txapelketako finala

2026-11-08

P.Etxeberriak eta Zabalak jokatuko dute 4 1/2 Eusko Label Txapelketako finala

Zabalak 22-11 irabazi dio Muruari Gasteizko Ogetan, eta beste finalerdia irabazi duen P.Etxeberriaren aurka jokatuko du azaroaren 22ko finala Bizkaia Frontoian.

P.Etxeberriak finalerako txartela lortu du

2026-11-07

P.Etxeberriak finalerako txartela lortu du

P.Etxeberriak 22-15 irabazi dio Altuna III.ari Donostiako Atano III.ean jokatu duten finalerdian, eta azaroaren 22an Bilboko Bizkaia Frontoian jokatuko den 4 1/2 Eusko Label Txapelketako finalerako txartela lortu du. Bere aurkaria bihar Gasteizko Ogetan Zabalak eta Muruak jokatuko duten finalerditik aterako da.

Frontón

PILOTAREN ALDIZKARIA

BERRIAK, EMAITZAK, KARTELDEGIA, SARRERAK.. PILOTARI BURUZKO INFORMAZIO GUZTIA

App Baiko en Apple Store