BINAKAKO FINALERAKO SARRERAK AGORTUTA

2019/03/22

Martxoaren 29an Donostiako Atano III.a pilotalekuan Olaizola II.ak eta Mendizabal II.ak alde batetik eta Mtz. de Irujok eta Goñi III.ak bestaldetik jokatuko duten 2009ko EPELen Binakako Txapelketako finaleko Asegarceri dagozkion sarrera guztiak, agortu dira dagoeneko.

Babesle, finalisten eskaera eta urte osoko bezeroak kontutan izanda Atano III.a pilotalekuko edukiera txiki geratu da ziztu bizian.
Olaizola II.ak eta Mendizabal II.ak 150 sarrera bana eskatu dute enpresak horrenbeste ezin izango diela eman.
Ala eta guztiz ere, zehaztasun gehiago jasotzeko ohiko zenbakira (656 799 423) dei daiteke.

Informazio gisa hona hemen jarri diren prezioak:

Kantxa jarlekua: 130 €.
Kantxa aulkia: 100 €.
Goiko harmaila 1. lerroa: 60 €.
Goiko harmaila 2-9 lerroak: 50 €.
Erreboteko 1. Lerroa: 50 €.
Erreboteko 2-10 lerroak: 30€.
Paseoa: 50€.