BINAKA TXAPELKETAN MAIZ ARITUTAKO BI FINALISTA

2019/03/22

Gaur eguerdiko 12etan Olaizola II.ak-Zearrak eta Martinez de Irujok-Eulatek hurrengo martxoaren 19ko Binakako Txapelketaren Finalean erabiliko dituzten pilotak aukeratuko dituzte.
Asegarceko bikotea itxaropentsu dabil final honen aurrean, beraz inolako zalantzarik gabe zehatz-mehatz aukeratuko dute Ogetan erabiliko duten materiala.

Binakako Txapelketan zazpigarren partaidetza izango da hau Olaizola II.arentzat eta bostgarrena Zearraren kasuan.
Aimar Olaizola Binakako Txapelketan 2000an estreinatu zen Auxkinaren laguntzaz. Handik ona hiru aldiz erori da final-laurdenetan: 2000, 2001 eta 2005an Auxkin, Berna eta Otxandorenaz urrenez urren langunduta. 2002an Errrastirekin eta 2004an Belokirekin batera finalerdietaraino heldu zen eta bere parte-hartze hoberena 2003. urtean lortu zuen, hartan Pascualekin atzealdean finala jokatu zuen Koka eta Belokiren aurka galduz.

Zearrak eskarmentu gutxiago

Bere aldetik Zearrarentzat hau izango da Binakako lehenengo finala. Bizkaitarrak finalaurreko bi jokatu ditu: 2005ean Olaizola I.arekin eta 2000an Alustizarekin eta beste bi aldiz galdu du final-laurdenetan:2004an Berasaluze VIII.arekin eta 2002an Tirapurekin.