BIHAR LEHENENGO HITZORDUA SANMATEOTAN

2019-03-22

Bihar, larunbatean, arratsaldeko 18:00etan Errioxako hiriburua pilotaz beteko duen Sanmateo Feria hasiko da. 2006ko Sanmateotako Torneoa Olaizola II-Otxandorena eta Bengoetxea VI-Patxi Ruizen arteko partida batekin zabalduko da. Bikote biak Zarautz Hiria Torneoaren finalean aurrez aurre egon ziren eta bertan Aimar Olaizolak eta Iñaki Otxandorenak 22-9 irabazi zuten.

Oinatz Bengoetxea: “lana ematen saiatuko gara”

Inolako zalantzarik gabe, biharko partidan, Oinatz Bengoetxeak, sasoian dagoen Olaizola II.ari zaila jartzeko asmoa du eta torneoko finalera hurbilduko duen garaipena lortzen saiatuko da.
Oinatz Bengoetxeak dioenez: “Torneoa zaila izango da guretzat final-erdiko ligaxkan torneoko bi bikote indartsuagoak izanen baitugu; Olaizola II-Otxandorena eta Titin III-Gonzalez, baina lana eman eta zaila jartzen saiatuko gara”