Bergara, Iruñea, Eibar eta Donostia, final-laurdenetako lehiarako tokiak

2019-03-22

Bengoetxea VI.a, txapelduna, Irribarria txapeldunordea, Urrutikoetxea. iaz 3.postua eskuratu zuena eta Rezusta sartuko dira asteburu honetan eskuz banakako lehiaketan Elezkano II.a, Altuna III.a, Ezkurdia eta Olaizola II.ari hurrenez hurren aurre egiteko.

Lehendabiziko borroka Bergaran izango da ostiral honetan Aimar eta Beñat deialdian sartuak.Pilota aukeraketa asteazkenean 13:30etan egingo da.
Larunbatean txapelketa Iruñera doa. Labriten, Oinatzek eta Danelek elkarren aurka jokatuko dute. Saskitxoarekin hitzordua asteazkenean ere izango da 11:00etatik aurrera.
Irribarria eta Ezkurdia Astelena frontoian lehiatuko dira igandean. Pilota hautaketa ostegunean gauzatuko da 10:30etan.
Eta fase hau bukatzeko Donostiako Atano III.a frontoia izango da pilotazaleen interesgunea. Bertan Urrutikoetxea eta Altuna III.a nor baino nor ariko dira. Pilota aukeraketa ostegunean 13:00 etan izango da.