BERASALUZE VIII.AREN ERAKUSTALDIA LIZARRAN

2019-03-22

Gazteleraz esaten den eran “la niña bonita” tanto kopurua, hots 15, lortu ditu Berasaluze VIII.ak Lizarran jokaturiko partida politan Olaizola II.a eta Begino 22-19 menderatuz.
Berrizko pilotariak aurreneko koadroetan aritzeko duen trebetasun aparta erakutsi du eta aurkaria erabat txikitu egin du.
Olaizola II.ak ez du inolaz ere hasiera ona egin, ez defentsan ezta erasoan ere, eta azken txanpan bere burua zuzendu duen arren, ez du Pabloren azken kolpe erabakigarria ekiditzea lortzerik izan.
Beginok partida on bat jokatu du.

Orain dela hiru hilabete eskuin belaunean zuen lesioa gaindituta Iñigo Leiza berriro kantxaratu da eta nahiz eta hasieran ondo moldatu, Lemoako pilotariak nahi zuen bezala ez du bere burua aurkitu partiduaren bukaeran.