BERASALUZE VIII.A ETA BEGINO, SAN FERMIN TORNEOKO FINALERA

2019/03/22

Berasaluze VIII.a eta Begino San Fermin torneoko finalean dira dagoeneko Mtz. de Irujo eta Beroiz 12-22 menpean hartu eta gero. Final honetan Titin III.a-Pascual eta Olaizola II.a-Zearraren arteko partiduko irabazlearen kontra jokatu beharko dute.

Asegarceko bikotea aurkarien gainetik pasa da eta horren seinalea 3-15 eta 9-17 partzialak ditugu. Urdinek estrategia argia euki dute: Irujo ekiditu eta Beroiz zigortu. Horretarako Beginoren eskubi beldurgarria martxan jarri da banakako txapelduna ikusle moduan utziz. Berasaluze VIII.ak tantu mordo bat sartu dizkio Iberoko aurrelariari hau erabat tokiz kanpo geratuz eta une garrantzitsuenetan hainbat huts eginda.

Bestalde aipatu behar da, Bodega Marco Real ardoaren desafiorako bikoteak erabakita daudela. Asperen aldetik Mtz. de Irujok eta Goñi III.ak jokatuko dute eta Asegarceren ordezkariak Olaizola I.a edo Olaizola II.a eta Mendizabal II.a izango dira.