Berasaluze VIII.a eta Albisu, Lekeitioko torneoko finalera sailkatu dira

2019-03-22

Partida orekatuta suertatu da 11-13 eta 14na iritsi arte, eta Juanek eta Pablok erremate sorta ederra eskaini diete bildu diren pilotazaleei. Atzean, Davidek eta Jon Anderrek erakutsitako lehian nor baino nor aritu dira.
Partidaren erdialdetik aurrera, gorriek gorantz egin dute Berrizko aurrelariaren erakustaldia dela medio, eta bost tanto egin, eta aurkarien hutseren bat tartean egonda, 22ra heldu dira.

Finalean, Olaizola II.a eta Apraiz, Gonzalez (lunbalgiagatik Xalaren ordezkoa izanik) eta Zubietaren kontra jokatuko duten partidaren garaileen aurka lehiatuko dira.

Datuak
396 pilotakadak
35 minutu.
Berasaluze VIII: 3 sake eta 11 tanto.
Mtz. de Irujo: 2 sake eta 5 tanto.