BENGOETXEA VI: “PARTIDA ERABAKIGARRIA DA ERABAT”

2019-03-22

Titin III.a -Laskurain eta Bengoetxea VI.a Patxi Ruiz Labrit pilotalekuan bildu dira goizean larunbatean jokatuko den partida erabakigarrirako pilotak aukeratzeko.
Bi bikotek bat egin dute partida hila ala biziko neurketa dela eta irabazten duenak finalaurrekoetan sartuko dela.
Titinek urdinen pilotak apur bat bote gehiagokoak direla adierazi du eta hauek berriz seiak onak direla aitortu dute.

Titin III-Laskurain: 105-105,4-105,7 g.
Bengoetxea VI-Patxi Ruiz: 104,7-103,9-106,2 g.

Lasaitasuna Mirandan

Olaizola I.a-Otxandorena eta Gonzalez-Barriola Miranda de Ebroko Anduva polikiroldegian egon dira larunbateko pilotak aukeratzeko eta ez da arazorik izan.

Olaizola I-Otxandorena: 103,1-103,9-104,3 g.
González-Barriola: 105,1-104,2-105,4 g.