BENGOETXEA VI “GONZALEZEN KONTRA SAKE ERREMATEA EGINGO DUT”

2019-03-22

Gonzalez eta Bengoetxea VI.a Zarauzko Aritzbatalde pilotalekuan bildu ziren joan den asteazkenean larunbat honetan jokatuko duten Eskuz Banakako txapelketako finalaurdenetako kanporaketan erabiliko dituzten pilotak aukeratzeko.
Gonzalezek 106,9 eta 105,8 gramotako pilotak bereiztu zituen. Mugitzeko zailak dira eta kantxan motel ibiltzen direnetakoak.
Bengoetxea VI.ak 103,8 eta 104,5 gramotako bolak hartu zituen. Aurkariarenak baino azkarragoak eta biziagoak omen dira.
Bengoetxeak prentsaurrekoan azaldu zen eta hona hemen haren adierazpenak.

Bengoetxea VI.ak:
“Gonzalez pilotari indartsua da oso. Kantxan indar handiz aritzen da eta gainera buruz buru especialista da. Aurkari zaila da zalantzarik gabe.
Berari piloteoan eusteko oso gogorra izango da baina norberak bere armak ditu eta ni erritmoa apurtzen ahaleginduko naiz. Sake errematea erabiliko dut eta bere tokitik ateratzen saiatuko naiz”.