BENGOETXEA VI “EZ NAIZ TITINEN BELDUR”

2019-03-22

Oinatz Bengoetxeak Titin III.arekin topo egin du Azkoitiko Gurea pilotalekuan goizeko pilota aukeraketan beren atzelariak lagun zituztela.
Bertan materiala aukeraketa gauzatu dute eta antza, arazorik ez da izan hautatzaileak aurkeztutako saskitxoarekin.
Asegarcekoek 103,1-103,6-103,9 gramotako pilotak bereiztu dituzte Aspekoek 106,8-103,-103,9 gramotakoak hartu dituzte bitartean.
Dirudienez, Bengoetxea eta Patxi Ruizen pilotak bizitsuagoak omen dira Titin III.a eta Paskualenak apur bat motelagoak direlarik.

Bere aurreko koadroetako aurkariaz itaunduta Leitzarrak zera dio “Ez naiz Titinen beldur, errespetoa diot baina. Segundu bat ere ezin diozu bistatik kendu zirt-zart batetan akaba zaitzake eta”.
Errioaxaren kontra erabil daitekeen estrategiari buruz bere ideiak dauzka Oinatzek “pilotakada luzez ezkerra behean bilatu behar diozu edo bestela pilotakadak oinetara bideratu”.
Lau pilotariak ados geratu dira pilotekin eta datorren ostiralean 22:00 etan berriro ere elkar ikusiko dute.