Bengoetxea VI.ak Xalari irabazi dio eta urrezko puntu bat lortu du

2019/03/22

Emozioa baino kalitatezko jokoa ikusi da Amazabal frontoian, abiadura askoko partidan, eta oso urdurik lehiatu den Bengoetxea VI.a batekin.
Neurketako intentsitatearen erakusgarri, Xalak bost atsedenaldi eskatu izana da.

Emaitza honekin, Oinatzek urrezko puntu bat sartu du patrikan finalerdietara sailkatzeari begira. Xalak, aldiz, punturik ez du eta oso zaila izango zaio hori lortzea.

Datuak:
262 pilotakadak.
62 min.
Xala: 3 sake, falta bat eta lau t´erditik bi pasa.
Bengoetxea VI.a: 2 sake,, falta bat eta lau t´erditik pasa bat.

Untoria, finalerdietara

Nahiz eta Jaunarenaren aurka 22-15 galdu, Alvaro Untoria Promozioko Lau eta Erdiko Txapelketako finalaurrekoetara sailkatu da, izan ere, Naxerako pilotariak, 15 tanto eginda, nahiko zuen pase hori lortzeko.