BENGOETXEA VI.AK PATXI RUIZ TXIKITU DU ETA OLAIZOLA II.ARI AURRE EGINGO DIO FINALERDIETAN

2019-03-22

Bengoetxea VI.a EPELen Eskuz Banakako Txapelketako finalerdietan sartu da gaur Labriten Patxi Ruiz 6-22 menderatu ostean.

Leitzako pilotariak indartsu dagoela garbi erakutsi du nahiz eta aurkariak erraztasunak eman. Ohikoa denez erritmo handia ipini du bere jokoan sotamano, txapagaineko eta gantxoak erabiliz. Sakeei ere etekina atera dizkie -6 egin ditu- baita sake-errematei ere.

Patxi partiduko denborarik gehienean defentsan aritu behar izan da eta eramategarriak sake batzuk behera bota ditu.
Oinatzek Olaizola II.aren aurka jokatuko du finalerdietan.

Peñagarikanoren garaipena Zallan

Kepa Peñagarikanok Eskuz Banakako BBK Promozioko Txapelketako finalerdietarako txartela lortu du gaur Zallako Mimetiz pilotalekuan Ibai Zabala 22-14 menderatuz.
Azpeitiako atzelariak aurkaria baino jo handiago eta defentsa hobeagoa erakutsi du.
Aipatutako fasean Olaetxeari aurre egin beharko dio Kepak.

Partidu nagusian, nahiz eta 22-21 irabazi esan behar da Titin III.a eta Albisuk 17-6 egon direla aurretik.