Oinatz Bengoetxea eta Aritz Lasa Astelena pilotalekuan egon dira eguerdian igandean lehiatuko diren EPELen Eskuz Banakako final zortzirenetako partidurako pilotak aukeratzen.
Hautaketa amaituta, Bengoetxea asegarce.comekin mintzo da Oiartzunera masaiak hartzera baino lehen eta hauxe da esan diguna:
-Bengoetxea VI
“Ondo nago. Bi entrenamendu egin ditut eta gustura geratu naiz. Lehengo egunean Aritzek Arretxeren aurka jokatutako partidua ikusi nuen eta gogor, kolpez, eta ausarta den pilotari bat dela erakutsi zuen. Gauzak ondo egin behar ditut irabazteko. Errespetoa diot”.
Bengoetxea VI.a: 104, 104 g.
Aritz Lasa: 106, 106,9 g.
Retegi BI eta Urrutikoetxea Zornotzan
Retegi BIk eta Urrutikoetxeak bat egin dute arratsaldez Amorebieta-Etxanoko Amorebieta IV.a pilotalekuan larunbat honetan lehiatuko diren EPELen Eskuz Banakako final zortzirenetako partidurako pilotak aukeratzeko.
Behin materiala bereizturik eta dutxa goxo bat hartu ondoren Zaratomoko pilotariak asegarce.comeko galderei erantzun dizkie atsegin handiz.
-Urrutikoetxeak
“Lehen mailako Eskuz Banakako txapelketan parte hartuko nuela esan zidatenean ilusio handia suposatu zen niretzat, izan ere, pilotari guztiok lehiaketa honetan jokatzea desiratzen dugu.
Partidua gogorra dakusat. Julenek buruz buru asko jokatzen du eta estrategiari buruz ez dut aldez aurretik ezer erabakita, partidua aurrera joaten den einean gauzatu behar gauza bat delako.
Botileroa betikoa izango da, Adolfo Agirre, nire aitaren lehengusua.
Espero dut herritik jende etortzea eskertzekoa da eta”.