BENGOETXEA VI.AK ETA PATXI RUIZEK GARAIPEN BAKAR BAT ERE EZ DUTE LORTU BINAKAKO TXAPELKETAKO FINALZORTZIRENETAN

2019-03-22

Bengoetxea VI.ak eta Patxi Ruizek binakako txapelketako final zortzirenetako ligaxka bukatu dute garaipen bat ere lortu ezinik. Gaur Gonzalez eta Pascualen aurrean 22-18 amore eman behar izan dute Bergaran eta Asegarceko taldean azken postuan geratu dira. Honek esan nahi du finalaurdenetan Aspeko taldean lehenengo postuan dauden Mtz. De Irujo eta Goñi III.aren aurka jokatu behar izango dutela.
Gaurko partiduan Asegarceko bikotean Bengoetxea VI.a onena izan da baina beren tantuetaz aparte hutsak ere egin ditu eta Patxi Ruizen gora beherak kontutan eukitzen baditugu porrotaren gakoa dugu. Gonzalez ondo egon da aurrean tantuasko lortuz eta Pascual ere ederto aritu da aztean.

Partidu erabakiorra Tolosan

Gaurko Tolosako partiduak gauza asko erabaki ditzake Asegarceko taldean. Hiru emaitza ezberdinek hiru sailkapen bestelako eragin ditzakete. Hauexek dira:

Koka-Otxandorenak 22-7 irabazten balute 1. postuan izango lirateke.
Koka-Otxandorenak 22-7 eta 22-17 tartean irabazten balute 2. postuan izango lirateke.
Koka-Otxandorenak 22-17 irabaziko balute 3. postuan izango lirateke.