Bengoetxea VI.ak eta Idoatek garaipen bana lortu dute final-laurdenetan

2019-03-22

Atano III.eko neurketan Bengoetxea VI.ak Saralegiri nagusitu zaio fisikoki eta hori arras erabakigarria izan da. Gainera, Leitzako aurrelariak erakustaldi aparta egin du.

Datuak
51 min.
254 pilotakadak.
Saralegi: sakez ale bat
Bengoetxea VI: sakez ale bat
3-1 3-8 5-21 8-22

Emozioa non-nahi Iruñean

Neurketa erabat desberdina suertatu da Labriten, non azken tantuetararte garaipean zer aldera joango zen ez da ezagutu.
Bi pilotari indartsu eta boteretsuen talka ikusi ahal izan dute pilotazaleek abiaduraz beteriko partida batean.
Arretxe II.aren hasiera ikusgarria izan da eta 8-2 eta 11-5 partzialak lortu ditu. Tarte horretan Idoate ez da bat ere eroso egon eta sufritu egin behar izan du, baina ezaguna den bere kemena eta lan egiteko ahaleraz baliatuz, aurkaria harrapatu du neurketaren erdialdean, 14na, 15na, 16na eta 17nako berdinketak lortuz.

Azken txanpan, nahiz eta 21-18 galtzen egon, botatako bi kortada, Ikerren huts bat eta sake bat dela medio, garaipena eskuratu du Txantreako pilotariak.

Datuak:
284 pilotakadak
56 min.
Arretxe II:sakez bi ale eta bi falta
Idoate: sakez bi ale.