BENGOETXEA VI.A MASTERSEKO FINALERAKO SAILKATU DA ZUBIETAREN LESIOAK MARKATU DUEN PARTIDUAN

22 de martxoa de 2019

Oinatz Bengoetxeak kutxa eskuz banakako Masterseko finala jokatuko du gaur Labriten Zubietak min hartu duen finalaurrekoan 10-4 emaitza lortuz.
Lesioa eskuin belauneko atzeko lotailu gurutzatuan izan da eta 9-4 markadorean zela gertatu da. Etxarri-Aranatzeko pilotaria Bengoetxeak VIII.ak botatako hormabikoa harrapatzera joan da zabalera eta une horretantxe gertatu da. 10. tantoa txokora bidalitako dejada baten bidez lortu du Oinatzek.
Astelehenean erresonantzia baten bitartez jakingo da lesioaren larritasuna.

Partiduko hasieran eta nahiz eta markadorean kontrakoa azaldu, Zubieta izan dominatzaile piloteoan baina, Bengoetxea VI.aren airezko defentsak aurre egin dio nagusitasun horri.
Gero Zubietak egin dituen huts batzuk eta Oinatzen joko erasokorrak leitzarraren gorakada ekarri du lesioa gertatu arte.

Jaialdia Amorebieta-Etxanon

Amorebieta-Etxanoko partidu nagusian bi zati ezberdin egon dira. Lehendabizikoan 13-9 arte Beginok Apraiz menpean eduki du eta Berasaluze VIII.ak tato mordoska lortu ditu. Hortik aurrera Gernikako atzelariaren jokoa gorantz joan da eta pilotari abiadura emateaz gain baztertzea ere asmatu du. Honek Olaizola II.aren lana erraztu du goizuetarrak erremate asko gauzatuz.