BENGOETXEA VI.A: “HIL ALA BIZI ATERAKO GARA”

2019-03-22

Mtz. de Irujo-Goñi III.a eta Bengoetxea VI.a-Patxi Ruiz eguerdian bildu dira Labrit pilotalekuan larunbat honetan binakako txapelketako partiduan erabiliko dituzten pilotak aukeratzeko.
Giro ona egon da harmailetan eta 150 pertsona inguru bildu dira aukeraketa ikusteko.
Prentsaurrekoan honako adierazpenak egin dituzte.

Mtz. de Irujo
“Uste nuena baino kalte txikiagoa daukat eskuan. Takoan sortutako burbuja batek eragin zidan mina eta orain izotzaz eta masaiekin nabil larunbatean eskua prest eukitzeko. Ez dut ia pilota ikutu”.

Goñi III
“Gure pilotak tokedunak dira eta gehiago iraunduko dutelakoan nago.
Aurreko partiduan bizitza barkatu genien. Honelako txapelketa batetan eta aurkarien maila kontutan izanda ez da holako akatsak egin behar. Akabatu egin behar duzu”.

Puntu garrantzitsua

Bengoetxea VI.a
“Gu hil ala bizi irtengo gara. Lortutako puntua oso garrantzitsua da baina ez gara horretaz gogoratu behar. Gogotsu gaude eta gainera presioa heurek daukate. Galtzen badute kalera doaz. Bergaran apur bat arinegi jokatu nuen eta horrretan lan egin dugu egun hauetan. Patxi eta biok mintzatzen egon gara eta lasaigo ateratzeko geratu gara. Pertsona urduriak gara baina hobetzen goazela uste dut.

Patxi Ruiz
“Pozik gaude Bergaran lortutako garaipenarekin. Irujok daukan eskuko mina dela eta ez nau arduratzen. Nik ere ezin izango dut ehuneko ehuenan atera katarroak jota nago eta. Oinatz eta biok primeran konpontzen ari gara. Gehiago hitz egiten ari gara.

Mtz. de Irujo-Goñi III.a: 104,6-105,7-104,7 g.
Bengoetxea VI.a-Patxi Ruiz: 103,8-105,5-104,7 g.