BENGOETXEA VI.A ETA PATXI RUIZ FINALERDIETARA PASA DIRA MTZ. DE IRUJO ETA GOÑI III.A TENTSIO HANDIKO PARTIDA BATETAN IRABAZITA

2019/03/22

Bengoetxea VI.ak eta Patxi Ruizek EPELen binakako txapelketako finalaurrekoetarako txartela lortu dute Labrit pilotalekuan tentsio aparta izan duen neurketan Mtz. de Irujo eta Goñi III.a 19-22 irabazi ostean.
Asegarceko bikoteak berak duen joku ahalmena berrerakutsi du eta giroa nahastuta egon arren ez dira partidutik atera eta jokuari eusti diote. Hasieratik gauzak okertu izan bazaie ere -Patxik Goñi III.aren kontra jotzerakoan kolpe bat hartu du eskubiko sorbaladan- serio aritu dira eta zaila zen garaipena lortu dute.
Bengoetxea VI.ak jokaldi harrigarriak egin ditu eta Mtz. de Irujo mendean hartu du une askotan. Patxik nahiz eta sorbaldako mina euki pilota zailak eraman ditu eta kolpez ondo ibili da.
Mtz. de Irujo haserre bizian azaldu da epaileen bi erabakien aurrean -zalantzazko estorbada bi- eta azken txanpan apur bat partidutik kanpo egon da.