Oinatz Bengoetxeak Eulateren kontra jokatuko du Azkoitiko Gurea pilotalekuan final zortzirenetako pase baten bila.
Leitzarrak ondorengo adierazpenak egin ditu asegarce.com-en.
-Zer moduz Gurea pilotalekua?
Frontoi ona da. Egia esateko asko gustazten zait, bizpairu aldiz jokatu dut eta primeran dago.
-Norekin entrenatu zara?
Peñagarikako eta Olaizola I.arekin aritu naiz.
-2004 urtean hasi zinen eskuz banakako txapelketan eta lau partidu jokatu dituzu. Aurten gorago jotzeko garaia ote da?
Bueno, eskuz banakako partiduak zailak dira oso eta nik pixkanaka joan behar dut. Garrantzitsua ondo hastea da eta lehen partidua ongi jokatu eta irabazten saiatuko naiz.
-Zeintzu dira Eulateren armak?
Ikusi da sakatzen ondo dabilela. Aurreko astelehenean Laskurainen kontra hala ageri zen eta horretaz aparte pilota luzatzen trebea da. Bera atzelaria da eta ni atzean mantentzen saiatuko da.
– Eta beraren zuloak?
Agian mugitzeko ahalmena. Horrexegatik bera mugitzen eta aurrean jokatzeari ekingo diot.
-Altuera ikusita, neurketa David eta Goliathen arteko borrokaren antzekoa izango dela ematen du.
Bai. Ezberdinak gara. Bera mutil lasaia da eta ni aldrebes, ttikia eta azkarra.
Eulate: 103,5-104,1 g.
Bengoetxea VI: 103,9-105,6 g.