BELOKIREN ERAKUSTALDIAK LEHEN PUNTUA EKARRI DU

2019-03-22

Asier Olaizolak eta Ruben Belokik EPELen Binakako Txapelketako finalaurreko ligaxkaren lehen puntu eskuratu dute Labrit pilotalekuan Oinatz Bengoetxea eta Patxi Ruiz 22-11 mendean hartu eta gero.
Partida borobila egin dute gorriek, serio jokatuz eta kolpe ederra erakutsiz. Ruben Belokik neurketa aparta egin du prentsaurrekoan berak esan duenez “agian binaka txapelketako nire partidurik onena”. Patxi Ruizi aurre egin eta zigortu ere bai egin duela burlatarrak, pilota ondo astindu, baztertu eta Bengoetxeari airea kenduz.
Asier Olaizolak partidu serioa egin du, Oinatzi kortadaz erasoka eta Patxiri atzean eukiz.
Bengoetxeak pilota gutxi euki du erremateak burutzeko eta sartu denean nahiko behartuta egin du.
Patxi Ruizek egurra galanta hartu du, ez du behar bezala gozatu eta ia partidu osoan zehar Asier eta Rubenen pilotakadei aurre egiten ihardu du.