BELOKIK EZ DU ORAINGOZ KIROFANOTIK PASATU BEHARKO

2019-03-22

Bere ezkerreko belauna sendatzeko egiten ari den prozesua jarraituz, hirugarren erresonantzia magnetikoa egin zioten atzo Gasteizen Rubeni hezur edema nola dagoen ezagutzeko.
Plakak aztertu ondoren Mikel Sanchez espezialistak hobekuntza nabarmena gauzatu dela azaldu zuen Burlatako pilotariari ebakuntzarik ez zaiola oraingoz egingo gaineratuz.

Gauzak horrela, Asegarceko pilotariak frontoiko saio txikiei ekingo dizkio beti ere mugimendu bortitzak ekidituz.
Bilakaera ona izatekotan hilabete t´erdi barru kantxaratuko litzateke Ruben.

ARRETXE II.AK ETA URRUTIKOETXEAK PILOTAK BEREIZTU DITUZTE

Iker Arretxe eta Mikel Urrutikoetxea Tolosako Beotibar pilotalekuan egon dira arratsaldez datorren astelehenean elkarren aurka jokatuko duten Eskuz Banakako Promozio txapelketako finalaurdenetako ligaxkako partidurako pilotak aukeratzeko.

Luzaideko pilotariak 104,1 eta 105,4 gramoko pilotak hautatu ditu bizkaitarrak 104,2 eta 104,4 gramokoak hartu dituen bitartean.
Bi sortak alderaturik Ikerren pilotek Mikelenak baino irteera gehiago omen dute.