BELOKI ORDIZIAN IZANGO DA GAUR

2019/03/22

Eskumako abduktorearen lesioa gaindituta, Ruben Beloki programazioan sartuko da berriro ere gaur Ordizian. Gipuzkoako Goiherriko hiriburuan izango den partidu nagusian Olaizola I.a alboan edukiko du Rubenek Olaizola II.a eta Peñagarikanori aurre egiteko. Erronka galanta Burlatako atzelariarentzat, zalantzarik gabe.

Batzuk osatuta eta beste batzu, berriz, erizaindegira. Alberto Beloki, Beloki II.a, joan den larunbatean Lezaman jokatutako partiduan ezker besoaren bicepsean lesioa eduki zuen. Erresonantzia egin eta gero zuntz haustura duela frogatu da. Asegarceko osasun zerbitzuak odol plasmazko tratamendua egokitzekotan dabiltza eta berriro kantxan aritzeko hiru bat aste behar izango direla aipatu dute.