BELOKI HANDI BAT ESTREINATU ZEN SAN MATEO TORNEOAN

2019-03-22

Ruben Beloki 2009ko San Mateo torneoan era ederrean sartu zen atzo Las Gaunasen jokaturiko neurketan erakutsitako lana ikusten badugu.
Bengoetxea VI.arekin batera ligaxkaren lehen puntua lortu zuten Titin III.ari eta Beginori 19-22 irabazita.

Lau aldiz izan den buruz buruko txapeldunak jo galanta erakutsi zuen, pilota baztertzen asmatu zuen baita egun atzelari onenari eutsi ere.
Bengoetxea VI.ak jokua bereganatzen ari delaren irudi garbia eskeini zuen eta horren seinalea lorturiko 8 tanto eta Titin III.aren erasoari ohiko defentsa bikaina dira.
Pilotari errioxarra trakets aritu zen hasieran baina ondoren bere erremateak zehazteari ekin zion eta 13-18 izatetik 17-18 pasa ziren gorriak partidua estutuz.
Beginok pilotakada beldurgarriak eman zituen baina une erabakigarrietan huts garbiak ere ikusi ahal ziren.
Torneoko lehen partidua ikusteko bildu zen pilotazale kopuruak ia bete zuen Las Gaunas pilotalekua.