BELOKI GOÑI III.AREN GAINETIK PASA DA ETA FINAL ZORTZIRENETAN DA

2019-03-22

Ruben Belokik eskuz banakako txapelketako garaipenik errezenetariko bat gauzatu du gaur Labriten Goñi III.a 22 eta 2 mendean hartu ostean.
Burlatako atzelariak oso kolpe freskoa eta indartsua erakutsi du neurketa osoaren zehar eta joku une bikainean dagoela argi utzi du.
Arerioak ezer gutxi egin ahal izan du emandako pikotakada bortitzen aurrean baita aurreko koadroetan egindako jokaldietan ere.
Belokik Patxi Ruizen aurka jokatuko du final zortzirenetan.

Bengoetxea VI.ak kale egin du

Oinaz Bengoetxeak Lasaren eta berak egindako hutsen eraginez galdu du gainezka zegoen Labrit pilotalekuan jokatutako kanporaketa.
Leitzako pilotaria bigarren zatian partidutik atera da urduritasunak jota. Pilotari gogor ematera joan da eta ez zaio ondo atera. Gainera azkarregi jokatu du eta huts asko egin ditu.
Lasa III.ak Olaizola I.aren kontra jokatuko du.