Igandean jokatuko duten partida erabakiorra dela eta, lau protagonistak komunikabideen aurrean agertu ziren eta hauexek dira egindako adierazpenak.
Bengoetxea VI.a:
“Gure pilotak beraienak baino azkarragoak dira seiok onak direlarik. Biok ondo gaude.
Partiduaren gakoa? Laurok gure ohiko mailan jokatzen badugu oso orekatuta izango da, baina baten bat motel badabil, hor bai izango dela gakoa”.
Beloki:
“Olaizola II.ari tantuak sartzea oso zaila izango lizateke material motelarekin, horrexegatik hartu ditugu pilota azkarrak.
Oso partido zaila izango da, izan ere, eurek dira txapeldunak”.
Olaizola II:
“Ehuneko ehunean ez nago, badakizue, pilotari orok gorabeheratsu gabiltz batzutan.
Partidu bat ez du kide bakar batek, biak jokatu behar dute.
Beloki maila onean ikusten dut”.
Mendizabal II:
“Jendea dio Belokik kolpea ez duela jadanik, baina ez nator bat. Oraindik kolpea badu, ez apurtzen duenetakoa jakina, baina pilotari norabidea ematen dio, erraz baztertzen du”.
Bengoetxea VI-Beloki: 105,6 106,1 106,3 g.
Olaizola II-Mendizabal II: 105,2 105,5 106,4 g.