BELOKI: “AZELERADOREA JAITSI BEHAR IZAN DUT”

2019/03/22

Aurten ez dugu BBK-ko egoitzan egin den Lau eta Erdiko txapelketaren aurkezpenean Ruben Beloki ikusi. Nahiz eta iazko edizioan sailburu izan 2006ko lehiaketan ez da arituko eta asegarce.com-era adierazi dioenez “Eskubia ez dut ondo eta errekuperatzeko ordua da”.

Burlatarraren esanetan “Aurtengo eskuz banakako txapelketa bukatu nuenetik ez naiz topera ibili eta udan zehar hainbeste partidukin ezinezkoa izan da eskua sendatzea. Gora eta behera ibili naiz eta behingoz eskua ondo eukiteko lau eta erdiko txapelketan parte hartzeari uko egin diot. Binakako eta banakako txapelketetan nire pisua erabakigarriagoa izanik abendurarte lasaiago ekingo diot torneo horietan ondo egoteko. Txapelketatik kanpo zazpi edo hamabost egun behin jokatuz errezagoa da eskua sendatzea.
Nahiz eta atzelaria izan gustatzen zait distantzia. Atzelariok lekuz aldatzea atsegin dugu gauza ezberdina egiten dugu eta”.