BEGINOREN PILOTAKADA EDERREK ALDEA EKARRI DUTE

2019/03/22

Labriten jokatutako Eskuz Binakako Euskadi Goza ezazu txapelketako partiduan protagonista garbi bat izan da, Aritz Begino. Auzako pilotariak sarritan eduki du Laskurain errebote inguruan beren pilotakada boteretsuek zigortuta.
Gainera Aritzek fisikoki aurkariak baino hobeto eutsi dio partidurari.
Neurketa gogorra izan da -83 minutu irandu du- eta hasieran Gonzalezen eraso jokaldiak direla eta borrokaren kolorea urdina izan da. Hala eta guztiz ere eta 13-17 markadorean egon arren, Beginoren nagusitasunari esker eta Olazola II.ak tantuak bukatzeko erakutsi duen erraztasunaren bitartez garaipena lortu du Asegarceko bikoteak.

Eibarren ere jokatu da aipatutako lehiaketako beste partidu bat eta bertan Xalak eta Barriolak 6-22 menpean hartu dituzte Olaizola I.a eta Beloki.
Belokik ez du Barriola gainditzerik izan Abel seguru eta kolpe freskoz ibili baita eta Olaizola I.ak bere eskuin bortitza erabiltzeko izan dituen aukeretan ez du asmatu.