2019/03/22
Eguerdian BBKk Bilboko Hiribide Nagusian duen aretoan 2010eko Lau eta Erdiko BBK Promozio Txapelketa aurkeztu da bederatzi pilotariak bertan izan direla.
Aipatu behar da Asegarceko parte hartzaileen zerrendan jokatzear den partidu bat dagoela, Iza eta Rico IV.aren artekoa alegia.
Final laurdenak zozketaz burutu dira eta horrela izango dira:
Hemen zapaldu
AUKERAKETAK EIBARREN ETA URRETXUN
Berasaluze VIII.ak eta Arretxe II.ak bat egin dute eguerdian Astelena pilotalekuan datorren astelehenean jokatuko duten Lau eta Erdiko Txapelketako partidurako pilotak hautatzeko.
Berasaluze pozik geratu da topatu dituen pilotekin, ez aldiz Arretxe II.a. Ikerrek pilota biziagoak nahi zituen frontoiko zoruak pilota jaten duelako. Hala eta guztiz ere zegoenarekin konforme geratu da.
Bi pilotariak asegarce.com mintzatu dira eta hau da esan diguna.
-Berasaluze VIII.a
“Ni gustora geratu naiz materialarekin, berarena baino baxuagoa da baina harena ere polita da.
Bera indartsu dabil oso, Xalaren aurka garbi erakutsi zuen hori eta irabazteko lan aparta egin beharko da, eta lan eginda ere, bikain jokatu behar dut.
Gu bion artean ezberdintasunaren bat aipatzekotan, ni azkarrago aritu eta tanto bukatzea gustatzea eta berak aldiz joko luze egin eta defentsa ona izango lirateke.
Ea puntu ahulak dituen galderaren aurrean, esango dut une honetan ia bat ere ez daukala punta-puntan dago eta.”
-Arretxe II.a
“Materialari buruz saskian pilota biziagoak izatea gustatuko litzaidake frontoi honetan gehiago sar daitekelako.
Ni izugarrizko ilusioz jokatzen dut eta hasiera hasieratik dena ematera irtetzen naiz kantxara. Egunero entrenatzen naiz eta lehiatzea izugarri gustatzen zait.
Nire ondoan botilleroa denean indartsu atera eta ideiak garbi eduki dezadan esaten dit aitak. Pozik nago lau t´erdian egindako partiduetaz, izan ere, galdu izan dudanean tanto gutxiagatik izan dela.
Estrategiari dagokionez, misterio handirik ez dago; Xalaren aurkakoa bera, hau da, indartsu atera eta aukera denean jokaldia bukatu.”
Berasaluze VIII: 105,5-106,9 g.
Arretxe II: 106,1-105,5 g.
Urretxun Patxi Ruiz eta Aritz Lasa izan dira datorren igandean jokatuko duten txapelketako patidurako pilotak aukeratzen. Asegarceko pilotaria asegarce.com egon da mintzatzen eta hauek dira bere adierazpenak:
“Lau pilotak onak dira. Jokatzeko egokiak, eskuan erraz sartzen direnekoak.
Bere frontoian jokatzeak eta herrko jendearen babesak ez du eraginik niretzat.
Bizkarrean ez dut ezer nkabaritzen, dena emanda entrenatzen ari naiz eta ez dago inolako arazorik.
Aritz pilotari erasokorra da eta asko gustatzen zaio airez sartzea eta arriskutsua da. Iaz Bengoetxea VI.ari 19 tantu egin zizkiola ez da ahaztu behar. Gainera bere goi mailaren seinalea paridu nagusietan sartu eta punta-puntako aurrelariekin lehian egotea da. ”
Patxi Ruiz: 105,5-106,7 g.
Aritz Lasa: 106,3-105,6 g.