BANAKAKO NAGUSIA

2019-03-22

Hamaika urtez profesional mailako eskuz banakako txapelketan parte hartzen, ehuneko 79 garaipen, lau txapel eta historiako buruz buruko txapeldunik gazteena izateak osatzen dute egungo manistarik handienaren curriculuma: Ruben Beloki.

Datorren larunbatean Labriteko kantxara irtengo da 2005ko buruz buruko tituluaren bilatzeko lehenengo urratsa ematera Goñi III.a aurrean izango duelarik. Zubiriko pilotaria binakako finaletan aurkari okerra suertatu zaio burlararrari.
Pilotari bat baino ez da Ruben baino experientziadunagoa banakako txapelketan: Patxi Eugi. Agoiztarra 1992an hasi zen lehiatzen eta Beloki urte bat beranduago, hots, 1993an.
Rubenen zenbakiak apartak dira: 28 partidu jokatu du eta horietatik 22 irabazi ditu.
2004an ezkerreko besoan jasandako lesioa zela eta ezin izan zuen parte hartu eta oraingo honetan berriro ere gure artean dugu handien artean dagokion lekuaren bila.

ORDU ALDAKETA IRUÑAN

Larunbateko jaialdiaren hasiera aurreratu da eta 16:45 etan hasiko da.

Bestalde, Agirre eta Paskualek ostiralean Zeanurin jokatuko duten partidurako pilotak bereiztu dituzte.
Bizkaitarrak 102,7 eta 106,6 gramotako pilotak hartu ditu eta Paskualek
105,6 eta 105,1 gramotakoak.
Paskualen lotea bote gehiagokoa ei da.