Baiko Pilotak 4 ½ Eusko Label Txapelketan parte hartuko duten pilotarien zerrenda osatu du

2023/09/18

• 4 ½ Eusko Label Txapelketa: Artola, Jaka, Larrazabal, Peña II, Urrutikoetxea, eta Agirre vs Zubizarreta III kanporaketako irabazlea.
• 4 ½ Promozio Txapelketa: Alberdi, Alberdi II, Bakaikoa, eta Agirre vs Zubizarreta III kanporaketako galtzailea.

Urriaren 6an hasiko den 4 ½ Eusko Label Txapelketan Baiko ordezkatuko duten sei pilotarietatik bost aukeratu ditu Baiko Pilotak. Agirrek eta Zubizarreta III.ak irailaren 30ean Itziarren jokatuko duten atarikoarekin osatuko du seiko zerrenda.

Artola, Jaka, Larrazabal, Peña II, Urrutikoetxea, eta Agirre eta Zubizarreta III.aren arteko atarikoaren irabazlea izango dira Baikok aurkeztuko dituen hautagaiak EPELen 2023ko 4 ½ Eusko Label Txapelketarako.

4 ½ Promozio Txapelketa

Promozio Txapelketa ere urriaren 6an hasiko da eta Baikok lau pilotari hauek aurkeztuko ditu lehiarako: Alberdi, Alberdi II, Bakaikoa, eta Agirre eta Zubizarreta III.aren arteko atarikoaren galtzailea.