AZKEN UNERARTE EUTSI EGIN DIOTE

2019-03-22

Pablo Berasaluzek eta Jon Ander Albisuk ez dute Euskadi Goza ezazu Binakako Txapelketako beren bostgarren puntua lortzerik izan, Bilboko Bizkaia Frontoian Titin III.a eta Merino II.aren aurrean 22-20 galdu ondoren.

Bukaerarte lan handiko eta irekia izan den partida suertatu da eta horren erakusgarria 81 minutuko iraupena eta lau pilotariek eman dituzten 600 pilotakadak da.

Aurrealdean Pablo eta Augustoren arteko lehia ederra ikusi ahal izan da, denetariko erremate motak izan direlarik.
Atzealdean egun eta etorkizunera begira, goi mailako izango diren bi pilotari gazteen borroka dastatu ahal izan dute pilotazaleek.

Emozioa amaierarte izan da kantxan,izan ere, markadorea 19-12tik 21-20rarte mugitu da, Berasaluze VIII.ak burututako erremate bikainengatik.

1.200 pilotazale egon dira partida ikusten.