AURTENGO SAN MATEOA, SEKULAKOA

2019/03/22

Gaur eguerdian Logroñoko Kirol Jauregiaren Erabilpen Askotako Aretoan 2004ko Binakako Sanmateotako Torneoa aurkeztu da komunikabideen aurrean.
Aurkezpenean bi torneo berezietan, binaka eta buruz burukoa, parte hartuko duten pilotariak bertan izan dira.Asegarcek Olaizola I.a-Zearra, Olaizola II.a-Otxandorena eta Berasaluze VIII.a-Patxi Ruiz bikoteak aurkeztu ditu binakako torneorako eta Beloki eta Bengoetxea VI.a banaka aritzeko.
Aspek berriz Titin III.a-Lasa III.a, Mtz. de Irujo-Pascual eta Xala-Goñi III.a pilotariak plazaratu ditu binaka jokatzeko eta Barriola eta Gonzalez banaka lehiatzeko.

San Mateo emanaldian inoiz ez ikusitako partidu berezi bat ere izango da. Norgehiagoka ikusgarri honetan lau aurrelariek indarrak neurtuko dituzte: Titin III.a- Mtz. de Irujo vs Olaizola I.a-Olaizola II.a.

Partidu egunak eta ordutegiak gure web orrialdeko ataletan: “Tapelketako Egutegia” eta “Datozen partiduak” ikus daitezke. Azken atal honetan torneoaren jaialdi guztietarako sarrerak erosi daitezke.