AURREZ AURRE BERRIRO ERE

2019-03-22

Hilabete bat pasa da kantxan elkarren kontra aritu zirenetik, eskuz banakako finalean izan zirenean hain zuzen ere, eta datorren ostiralean ,hilak 7, Labrit pilotalekuan berriro ere aurrez aurre izango ditugu Olaizola II.a eta Mtez. de Irujo.

Olaizola II.arekin solasean egon gara eta neurketari buruz honelaxe mintzatu zaigu goizuetarra “Errebantxako patida denik ezin da esan. Eskuz banakako finala eta geroko lehen partida da eta Nafarroako lau eta erdiko txapela jokoan denez oso neurketa polita izango da. Ez du ekainaren 4ko finalarekin ezer ikusirik eta bestelako norgehiagoka izango da.”

Estrategiari buruz hauxe aurreratu digu Aimarrek “Distantzia motzean beste joku egin behar da. Printzipioz luze jokatuko dut eta gero partiduaren arabera izango da, hau da, edo aurrean sartu edo atzeko marra bilatzen jarraitu.”

Final honek aurtengo Sanferminetako zortzi egunetako pilota festaren txupinazoa suposatuko du.