AURREIKUSTE GUZTIAK APURTUZ, OLAIZOLA II LAN GOGORRA EGIN BEHARREAN IZAN DA URBERUAGA KANPORATZEKO

2019-03-22

Olaizola II.ak Eskuz Banakako Txapelketako final aurrekoetarako txartela lortu du Eibarko Astelena pilotalekuan bikain aritu den Urberuaga 22-16 menderatuta. Aulestiko pilotariak bi aldiz txapeldun izan den Olaizola II.a estutu egin du 9-1 partziala gauzatuz.

Lehen zatian eroso jokatu du Goizuetako pilotariak 13-4 markadorean jarriz kolpez eta berak duen dohain teknikoei esker. Hala eta guztiz ere Xabierrek pegada nabarmena duela erakutsi du estraineko tantu horietan.

Pilotari goizuetarrak inongo arazorik gabe 21-7rarte gora joan da partidua erabat erabakita zegoelakoan.
Baina tantu horretan izugarrizko aldaketa gertatu da. Pilotari bizkaitarrak frontiseko goiko losak aprobetxatu ditu, Olaizola II.a atzeko koadroetan defentsan ekiteari behartuz. Gainera botatako hiruzpalau dejada bikainek min handia egin diote Asegarceko pilotariari.

Partidua Olaizola II.ak bota duen beste dejada batez bukatu da.
Gauzak honela, Olaizola II.ak Belokiren aurka jokatuko du finalaurrekoan maiatzaren 23an, Labritt pilotalekuan.