Merkataritza eta Turismoko sailburua den Pilar Zorrilla andrea buru zela, 2012ko EPELen Euskadi Goza ezazu Binakako Txapelketa aurkeztu da eguerdian Bilboko Basque Tour egoitzan.
Ekitaldian Asegarce eta Aspeko ordezkariak egon dira, baita parte hartuko duten pilotariak ere.
Bilboko enpresaren partetik Arretxe II.a-Begino, Berasaluze VIII.a-Albisu, Bengoetxea VI.a-Apraiz eta Olaizola II.a-Beroiz arituko dira.
Aspe ordezkatuz, Xala-Laskurainek, Aritz Lasa-Zubietak, Mtz. de Irujo-Barriolak eta Titin III.a-Merino II.ak jokatuko dute.
Aritz Lasa, Arretxe II.a eta Albisu dira txapelketa honetako aurpegi berriak eta nahiz eta iaz ordezkari gisa jokatu, hauxe izango da Beroizentzat lehiaketan titular eran parte hartuko duen lehendabiziko aldia.
Lehenengo jardunaldia asteburu honetan izango da neurketa hauek jokatuko direla:
Ostiralean, Sestaon, Berasaluze VIII.a-Albisu vs. Olaizola II.a-Beroiz.
Larunbatean Iruñean eta Nitrok eskainita, Titin III.a-Merino II.a vs. Mtz. de Irujo-Barriola.
Igandean Eibarren, Bengoetxea VI.a-Apraiz vs. Arretxe II.a-Begino.
Astelehenean Tolosan, Xala-Laskurain vs. Aritz Lasa-Zubieta.
Finala Bizkaia frontoian jokatuko da apirilaren 29an eta gutxienez partidu bat Barcelonako Vall d´Hebrón frontoian jokatuko da.
Bilboko pilotalekuan partidu dezente izango direla aipatu dute enpresako bozeramaleek.
Ardo bilketa Marco Real upeltegietan
Asteazkenean, hilak 14, 12:30 etan Oliteko Marco Real upeltegietan, Asegarceko taldeak aurtengo San Fermin eta Gasteizko Andra Mari Zuria ferietan irabazitako desafioen ardoa bilduko du.
Iruñean Marco Real 1.200 botila zeuden jokoan eta Gasteizen aldiz, Rosado Homenaje ardoko 600 ale irabazi ziren.