Astearte honetan berrekingo zaio atzo Berrizen bertan behera geratu zen pilota jaialdiari



2021-12-12

Datorren asteartean, abenduak 14, arratsaldeko 19:30etatik aurrera, atzo Berrizen hezetasunagatik bertan behera geratu zen jaialdiari ekingo zaio.



Pilota jaialdia Alberdi-Uriondo eta Zabala-O.Etxebarria bikoteen arteko Binakako Promozio Txapelketako partidarekin hasiko da. Norgehiagokari Zabala-O.Etxebarria bikotearen aldeko 12-7ko emaitzarekin ekingo diote, partida halaxe baitzegoen bertan behera uztea erabaki zenean.



Ondoren, Bengoetxea VI-Aretxabaletak eta Agirre-Larunbek jokatuko dute elkarren aurka.

Jaialdirako erositako sarrerarekin sartu ahal izango da publikoa asteartean frontoira. Pilotalekuan izan ez zenak, eta asteartean joan nahi duenak, aukera izango du jaialdia hasi baino ordu bat lehenago takilan sarrera erosteko.