Hirurak alderatuta, Goizuetako pilotaria izan da tanto gehien lortu duena. Aimarrek 41 puntu eskuratu ditu, neurketa bakoitzeko batezbesteko 14 izan direla; Marco Real desafioan Gonzalez eta Laskurainen aurkako norgehiagokan 16, Titin III.a eta Barriolaren kontrakoan berriz, 13, eta bere bikotekidea den Apraizekin batera, Bengoetxea VI.a eta Beginorekin lehiaturikoan, beste 12.
Bigarren tokian Berasaluze VIII.a dago. Berrizko “artista”k 26 tanto gauzatu ditu bi partidatan, hots, batezbesteko 13 puntu. Mtz. de Irujo eta Merino II.aren aurkako lehian, frontoian zegoen pilotazale oro txunditu zuen, berak bukatutako 16 jokaldiekin.
Eta bukatzeko, San Fermin torneoko Lau eta Erdiko txapelduna dugu; Bengoetxea VI.a. Oinatzek 34 tanto gauzatu ditu 4 neurketetan, hortaz, 8,5 puntukoa da neurketa bakoitzeko lana erremate arloan.
Pilota jaialdia Zornotzan
Karmenak direla eta, partidak izan dira Zornotzan. Ederra izan da jokatu den neurketa nagusia; lau pilotariak ondo aritu dira, Olaizola II.a onena izan delarik.Goizuetarrak 12 tanto lortu ditu eta Berasaluze VIII.ak 8.
Datuak:
58 min.
Sake bina.
9-4 13-5 15-6 18-16 22-17.