ASEGARCEK ORDU BATETAN AGORTU DU BERE SARRERA KOPURUA

2019-03-22

Eskuz banakako finalak neurri guztiak apurtzen ditu. Ordu bakar batetan Asegarcek bere sarrera kopurua saldu du eta “sarrerak agortuta” kartela zinzilikatu du leihatilan. Gaurko 8:30 etan hasi da sarrera salmenta eta 9:30ak aldera bukatu dira urteko partidurik garrantzitsueneko txartelak.
Pilotalekuko edukiera txiki geratzen da ohiko bezero, babesle, finalisten eskaera eta komunikabideek betetzen duten jarlekuak kenduta. Hau dela eta salmentan ateratzen diren sarrerak ziztu bizian bukatzen dira.

Guzti honen froga hainbat sailetan dugu: Aimar Olaizolak 250 sarrera inguru eskatuta zeukan eta 150 baino ez dizkiote eman.
8:30etatik 18:00 etarako tartean telefonoz 1.200 bat sarrera eskaera jaso dira Asegarcen.
Egunean zehar www.asegarce.com webean beste 300 eskaera heldu dira.
Eta guzti hau salmentako lehenengo egunean soilik.
Bilbon pilotaleku handi bat egitekotan badabiltza, hauexek dituzte zenbaki garbiak.