ASEGARCEK EUSKAL TELEBISTAREN KONTRAKO DEMANDA AURKEZTEKO ASMOA AZALTZEN ZUEN

2012-01-31

Asegarcek Euskal Telebistaren kontrako demanda bat aurkezteko asmoa iragarri zuen elkarlehia desleiala dela eta. Demanda hau ETBko zuzendaria zen Iñaki Zarraoak sortu berri zen Aspe enpresari dirua emateagatik ipintzea erabaki zuen bilboko enpresak.
Asegarceko ordezkariek eskaini zuten prentsaurrean telebista publikoako arduradun gorenak Titin III.a fitxaketa erabakigarriaren negoziaketetan parte hartu zuela adierazi zuten, honela Aspe profesional mailako merkatuan sar zedin.

Gogoratu behar da ETBk Asperekiko bost urtetako esklusibitateko hitzarmena sinatu zuela 660 milioi pezetaren truke, 220 milioi kontratua sinatzerakoan ematen zizkiola.
Diru hau Asegarceri kendutako pilotarien ezabatzeko klausulak eta fitxak ordaintzeko zen.
Eragiketa honengatik Iñaki Zarraoak bere burua aurkeztu behar izan zuen Eusko Legebiltzarrean enpresa berriarekiko sinatutako hitzarmenaren zehaztasunak azaltzeko.