Artolak eta Ezkurdiak iganderako materiala aukeratu dute

2020-12-10

Asteburu honetan Eusko Label Lau t’erdi Txapelketako final-laurdenak izango dira jokoan. Ostiralean, Jaka-P.Etxeberria arituko dira elkarren aurka Bizkaia Frontoian, larunbatean Elezkano II-Altuna III.ak neurtuko dituzte indarrak Bilbon eta igandean Ezkurdia-Artola izango dira aurrez aurre Eibarren. Partida honetarako materiala gaur eguerdian aukeratu dute Astelena pilotalekuan.

Artolak 104,8 g (3) eta 104,4 (4) gramoko pilotak aukeratu ditu eta Ezkurdiak 104,8 (1) eta 105,2 (2) gramodunak.

Bestalde, atzo jakitera eman zenez, Urrutikoetxeak herenegun min hartu zuen eskuetan eta ez dago asteburuan jokatzeko moduan. Hori dela eta, Bengoetxea VI.a zuzenean sailkatu da Eusko Label 4 ½ Txapelketako finalerdietarako.